ShivaRudragni Part 18

 ശിവരുദ്രാഗ്നി

 by IFAR

മറുപടി ഒന്നും കാണാഞ്ഞു അർഷി അവനെ നോക്കി.... നിലത്ത് ചുരുണ്ടു കൂടി ബോട്ടിൽ കെട്ടിപിടിച്ചു കിടക്കുന്നുണ്ട്....

അല്ലെങ്കിലും കാര്യം പറയുമ്പോ ബോധം ഉണ്ടാവൂല അലവലാതിക്ക് ...

അതൊക്കെ വിട്....ഇനിയെന്താ ചെയ്യ.... കൃഷ് അർഷിയെ നോക്കി....

എന്ത് ചെയ്യാൻ.... ഇനി ആദിത്യവർമ്മ തന്നെ.... ഫിക്സ്.... ആദിത്യ വർമ്മ NK... Nk ഇനിഷ്യൽ..... നീരവ് കൃഷ്ണ ട്വിൻസ് ആണ്. പെട്ടെന്ന് സ്റ്റേറ്റിൽ പോകേണ്ടി വന്നു പകരം ഇവൻ ലാൻഡ് ആയി.....

കാക്കൂ.... തല വെയിൽ കൊള്ളിക്കണ്ട കേട്ടാ... നിറച്ചും കുരുട്ട് ബുദ്ധിയാ....

കളി കാണാൻ ഇരിക്കല്ലേ മോനെ... നീ ഗാലറിയിൽ ഇരുന്നു കണ്ടോ ഇനി അവിടെ നടക്കാൻ പോകുന്നത്....അല്ല 

നിന്റെ കാര്യം എന്തായി....

കിച്ചുനെ കൊണ്ടു പറയിപ്പിച്ചു വീട്ടിൽ നിൽക്കാന്ന്.... ഹോസ്റ്റൽ ഫുഡ് ശരിയല്ല താമസം ശരിയല്ല... ഒരു വീട് റെന്റിനു കിട്ടോ ചോദിച്ചു മുട്ടിയെ.... അവൻ ഇങ്ങോട്ട് പറഞ്ഞു വീട്ടിലേക്കു വരാൻ...

ഞാൻ ആദ്യം മടിയൊക്കെ കാണിച്ചു പിന്നേ അവന്ന് വേണ്ടിയെന്നോണം സമ്മതിച്ചു...

സൗഹൃദം അത് വിലപ്പെട്ട നിധിയാണ്..... നല്ലൊരു സൗഹൃദം കിട്ടിയ അതവന്റെ ഭാഗ്യം ആണ്... കിച്ചു നിനക്ക് കിട്ടിയ നിധിയാണ്. സ്വാർത്ഥതക്ക് വേണ്ടി കൈ വിട്ടു കളയരുത്.... വിശ്വാസം പോയ ഒരിക്കലും തിരിച്ചു വരില്ല അതുടെ എന്നും ഓർക്കണം.... 

ഞാൻ വിട്ടുകളയില്ല കാക്കു.... ഒരവസരം കിട്ടിയ സത്യം പറഞ്ഞോളാം....

അർഷി അവന്റെ മുടിയിൽ ഒന്ന് ഉലച്ചു  എണീറ്റ് പോയി....

കൃഷ് കൊതിയോടെ ബിയർ ബോട്ടിലേക്ക് നോക്കി....

ടാ..... അർഷിയുടെ വിളി കേട്ടതും എണീറ്റ് ഓടി....

നീനു വന്നപ്പോ തൊട്ട് ശിവയുടെ തോളിൽ നിന്നിം മാറിയില്ല.... ഒന്ന് ഉറങ്ങി തോന്നിയപ്പോഴാ ദേവിന്റെ അടുത്ത് കിടത്തിയിട്ട് കിച്ചുന്റെ അടുത്തേക്ക് പോയത്.... വരുമ്പോഴേക്കും കരഞ്ഞു നിലവിളിച്ചിരുന്നു...

എവിടെ പോയ്‌ കിടക്കാരുന്നു നീ.... ദേവിന്റെ ദേഷ്യം പിടിച്ച മുഖം കണ്ടതും അവൾക്ക് പേടി തോന്നി... നീനുനെ കണ്ടപ്പോൾ സങ്കടവും.... അവൾ വീണ്ടും ശിവയുടെ കഴുത്തിൽ മുഖം പൂഴ്ത്തി കിടന്നു.... കുറച്ചു കഴിഞ്ഞതും മേലൊക്കെ ചെറിയ ചൂട് വന്നു.... ദേവ് തൊട്ട് നോക്കി ഭയന്നതിന്റെയും ഒരുപാട് കരഞ്ഞത് ആയോണ്ടാ പറഞ്ഞു മരുന്ന് എടുത്തു കൊടുത്തു.... അവൾക്കും വല്ലാത്ത പേടി ഉണ്ടാരുന്നു... ഡോക്ടർ അടുത്ത് പോകാ പറഞ്ഞിട്ടും ദേവ് വേണ്ടെന്ന് ഉറപ്പിച്ചു പറഞ്ഞു..... പിന്നെയും പറഞ്ഞോണ്ട് ഇരുന്നതും അവൻ ദേഷ്യപ്പെട്ടു നോക്കിയതും പിന്നെ ഒന്നും മിണ്ടിയില്ല....

വേണ്ടെന്ന് പറയാൻ താനാരാ ഡോക്ടർ ആണോ.... അവൾക്ക് ദേഷ്യം വന്നെങ്കിലും കലിപ്പിച്ച മോന്ത കണ്ടതും അരിശം കടിച്ചു പിടിച്ചു....

ഇടക്കിടക്ക് അവളും കണ്ണ് മുഖം തുടച്ചു കൊണ്ടിരുന്നപ്പോഴാ അവളും കരയാന്ന് അവന്ന് മനസ്സിലായത് അവൻ തലക്ക് കൈ വെച്ചു ദയനീയമായി അവളെ നോക്കി.... അതെ സമയം അവന്ന് എന്തെന്നില്ലാത്ത സന്തോഷം തോന്നുണ്ടായിരുന്നു.... ലച്ചു ഉണ്ടാരുന്നെങ്കിൽ ഇത് പോലെ തന്നെ ആയിരിക്കുമെന്ന് തോന്നി അവന്ന്.... അവന്റെ നിറഞ്ഞ കണ്ണുകൾ അവൾ കാണാതെ തുടച്ചു .....

നീനു ആണെങ്കിൽ അവളെ കയ്യിൽ നിന്ന് ഇറങ്ങാത്തൊണ്ട് അവൾ റൂമിൽ നിന്ന് പുറത്ത് ഇറങ്ങിയില്ല.... ദേവിനെ പേടിച്ചു അവളെ ആരും വിളിച്ചു ഇല്ല....

രാത്രി ദേവ് തന്നെ ആയിരുന്നു കുറച്ചു കഞ്ഞി എടുത്തു വന്നത്.... ശരദേട്ടത്തിയെ കൊണ്ടു ദേവ് ഇണ്ടാക്കിച്ചതാരുന്നു അത്.....നീനു കഴിക്കാതെ വാശി പിടിച്ചെങ്കിലും ശിവയെ അടുത്ത് ഇരുത്തി ശിവക്ക് കോരി കൊടുത്തു.... ശിവ കുടിക്കില്ല നീനു കുടിക്കാഞ്ഞാൽ പറഞ്ഞു ഭീഷണി പെടുത്തിയതും അവൾ കുടിച്ചു....ശിവ കണ്ണ് മിഴിച് ദേവിനെ നോക്കി.... അവൻ കണ്ണുരുട്ടി നോക്കിതും അവൾ പേടിച്ചു വാ തുറന്നു.... രണ്ടു പേർക്കും മാറി മാറി കൊടുത്തു.... നീനു കുറച്ചു കുടിച്ചു നിർത്തിയെങ്കിലും ശിവക്ക് കൊടുക്കുന്നത് അവൻ നിർത്തിയില്ല.... അവന്റെ മുഖത്ത് വാത്സല്യം നിറഞ്ഞിരുന്നു അപ്പോൾ.... ആ നിമിഷം അവളുടെ അച്ഛൻ ആയിരുന്നു അവളുടെ കണ്ണിൽ അവൻ.... കണ്ണുകൾ നിറഞ്ഞു ഒഴുകിയതും ദേവ് അവളെ നോക്കി....

കാരണം മനസ്സിൽ ആയെങ്കിലും അവൻ അത് അറിഞ്ഞഭാവം നടിച്ചില്ല.... മുഴുവൻ കഞ്ഞിയും കുടിപ്പിച്ചേ വിട്ടുള്ളു.... 

കിടക്കാൻ നേരം ആയിരുന്നു വീണ്ടും പ്രോബ്ലം ആയത് നീനു അവളെ ഒരുതരത്തിൽ വിടുന്നില്ല....  അവന്റെ നെഞ്ചിൽ കിടന്നു ഒരു കൈ കൊണ്ടു ശിവയുടെ കയ്യിലും മുറുക്കെ പിടിച്ചു.... ഉറങ്ങി തോന്നി കൈ വിടുവിക്കാൻ നോക്കും തോറും എഴുന്നേറ്റു കരച്ചിൽ തുടങ്ങും. ..... അവൾക്കും ദേവിന്റെ അത്രയും അടുത്ത് നില്കും തോറും വല്ലായ്മയും തോന്നുന്നുണ്ടായിരുന്നു.... അവസാനം ബെഡിൽ കിടക്കാൻ പറഞ്ഞു അവൻ.... അവൾ അവനെ തന്നെ നോക്കിയെങ്കിലും അവന്റെ മുഖത്ത് യാതൊരു ഭവമാറ്റം ഇല്ലാരുന്നു.

അവസാനം വേറെ നിവർത്തിയില്ലാതെ അവൾക്ക് ഒന്നിച്ചു കിടക്കേണ്ടി വന്നു ദേവിന്റെ നെഞ്ചിൽ കിടന്നു ശിവയുടെ കഴുത്തിലൂടെ കയ്യിട്ട് നീനു കിടന്നത്.... ദേവിന്റെ ദേഹത്ത് മുട്ടി തന്നെ അവൾ കിടന്നേ അവളുടെ ശരീരത്തിലൂടെ വിറയൽ പടർന്നു കയറി.... പേടിയോടെ ഇടക്കിടക്ക് ദേവിനെ നോക്കും അവൻ കണ്ണടച്ച് കിടന്നത് അല്ലാതെ അവളെ ഭാഗത്തു പോലും നോക്കിയില്ല..... പിടക്കുന്ന കണ്ണുകൾ അവൻ ഉറങ്ങിയിട്ടില്ല കണ്ണടച്ച് കിടക്കാണെന്ന് മാത്രം അവൾക്ക് മനസ്സിലായി.... പിന്നീട് എപ്പോഴോ അവളും ഉറക്കിലേക്ക് വഴുതിവീണു..... രാവിലെ ഉറക്കം ഞെട്ടിയത് ദേവിന് ആയിരുന്നു.... നീനു അവന്റെ ഒരു തോളിൽ ആയി തന്നെ കിടന്നിട്ടുണ്ട്..... മറുഭാഗത്തു നെഞ്ചിൽ തലവെച്ചു ശിവയും.... രണ്ടു പേരും ചേർത്ത് പിടിച്ചു അവനും...... ശിവയുടെ കയ്യും നീനുവിന്റെ ദേഹത്ത് ഉള്ളത്....ഒരു പകപ്പോടെ ശിവയെ നോക്കി അവൻ....

അവളെ വിളിക്കാൻ വാ തുറന്നെങ്കിലും നിഷ്കളങ്കമായ ആ മുഖം കണ്ടതും അവന്ന് അത് പറ്റാതെ നിന്നുപോയി.....

അവൾ ഒന്നൂടി നെഞ്ചിലേക്ക് മുഖം പൂഴ്ത്തി കിടന്നതും ഹൃദയം ഇപ്പൊ പൊട്ടിത്തെറിക്കുന്നു തോന്നി അവന്ന്... ശ്വാസം പോലും വിടാനാവാതെ അങ്ങനെ തന്നെ കിടന്നു... അവൻ പോലും അറിയാതെ കൺകോണുളിലൂടെ കണ്ണുനീർ ഒലിച്ചിറങ്ങി....  ഇതൊന്നും അറിയാതെ അവന്റെ നെഞ്ചിൽ നീനുവിനെ കെട്ടിപിടിച്ചു അവളും..... ഉറക്കത്തിലും അവളുടെ ചുണ്ടിൽ ഒരു നറു പുഞ്ചിരി ഉണ്ടായിരുന്നു....

                       ........ തുടരും 

ShivaRudragni NEXT PART 19

▬▬▬▬▬▬▬▬▬▬▬▬▬▬

posted by കട്ടക്കലിപ്പൻ

Back to ShivaRudragni Main Page